ФРАНЦУСКАТА АГЕНЦИЈА ЗА РАЗВОЈ НУДИ ФИНАНСИСКА И ТЕХНИЧКА ПОДДРШКА ЗА АД ЕСМ ЗА ИНВЕСТИЦИИТЕ ВО ОБНОВЛИВИ ИЗВОРИ
Генералниот директор на АД ЕСМ, м-р Васко Ковачевски и директорот за развој и инвестиции, Благој Гајдарџиски се сретнаа со делегација на Француската агенција за развој (AFD).
AFD е јавна финансиска институција одговорна за спроведување на развојната и меѓународната солидарна политика на француската влада.
![](https://www.esm.com.mk/wp-content/uploads/2022/01/DSC1221-scaled.jpg)
Во Западен Балкан, AFD има задача да го поддржи спроведувањето на Зелената агенда за Западен Балкан и преминувањето кон европските стандарди во енергетиката.
Агенцијата ги започна своите активности во Албанија, Црна Гора и Србија и ги нуди своите можности за кредитирање и техничка помош во Северна Македонија.
![](https://www.esm.com.mk/wp-content/uploads/2022/01/DSC1225-scaled.jpg)
Заблагодарувајќи се за понудената можност за соработка, менаџментот на АД ЕСМ ја запозна француската финансиска институција дека компанијата подготвува 14 проекти за инвестирање во обновливи извори на енергија и дека постои простор за соработка и партнерски однос во сите фази на реализација на проектите, како што се користење поволни кредитни линии за инвестициите, техничка помош во подготовка на проектите, стручни консултантски услуги итн.
![](https://www.esm.com.mk/wp-content/uploads/2022/01/DSC1224-scaled.jpg)