Средба на раководството на АД ЕСМ со регионалниот амбасадор на КОП 26, Дејвид Моран
Генералниот директор, Васко Ковачевски, директорите за производство и инвестиции Благојче Трповски и Благој Гајдарџиски, колеги од Секторот за развој и инвестиции, се сретнаа со Дејвид Моран, регионалниот климатски амбасадор на Конференција за климатски промени на Обединетите Нации – КОП 26, како и претставници од Британската амбасада.
![](https://www.esm.com.mk/wp-content/uploads/2022/03/2-UK-scaled.jpg)
На состанокот се разговараше за енергетската транзиција на нашата компанија, се презентираа нашите проекти од обновливи извори на енергија и планот за идни инвестиции, кои се во насока на движење кон зеленото сценарио во производство на електрична енергија.
![](https://www.esm.com.mk/wp-content/uploads/2022/03/3-UK-scaled.jpg)
Нашата компанија останува посветена на постигнување на принципите поставени од КОП 26, поддржани и во нашата Национална стратегија за енергетика која предвидува намалување на емисијата на стакленички гасови и производство на електрична енергија од обновливи извори.