АД ЕЛЕМ ја помогна реализацијата на летниот камп „Сите сме исти“

Posted on: October 30, 2018

Клубот на млади при Општинската организација на Црвен крст Карпош во периодот од 26 јули до 13 август 2018 година го реализираше Летениот камп „Сите сме исти“ во автокампот Ливадиште на брегот на Охридско Езеро.
На кампот учествуваа 25 деца и млади со посебни потреби, деца од социјално загрозени семејства, деца од еднородителски семејства и деца со потешкотии во учењето. За време на реализицијата на летниот камп, учесниците имаа можност да се дружаат, забавуваат, научат нови знаења и вештини. АД ЕЛЕМ го препозна значењето на иницијативата на Општинската организација на Црвен Крст Карпош и во координација со ЕЛЕМ Турс  ја помогнаа организацијата и реализацијата на проектот.