Управниот одбор на АД ЕСМ во работна посета на РЕК Осломеј

Објавено на: November 7, 2024

Членовите на Управниот одбор на АД ЕСМ денеска остварија работна посета на РЕК Осломеј, каде што од новото раководство во комбинатот непосредно беа информирани околу затекнатите состојби и тековните подготвителни активности за вклучување на термоелектраната во електроенергетскиот систем. 

За време на посетата, по обиколката на постројките во термоелектраната, се одржа колегиум на Управниот одбор и раководството на РЕК Осломеј. Во фокусот на разговорите беше состојбата на техничката инфраструктура и можностите за унапредување на процесите во овој капацитет, во пресрет на зимата.