Заврши капиталниот ремонт на генератор 2 во ХЕЦ Шпилје

Објавено на: December 24, 2024

Во хидроелектраната „Шпилје“ заврши капиталниот ремонт на генератор 2. По двомесечни теренски активности на колегите од Службата за електромашинско одржување од ХЕС „Црн Дрим“, агрегатот повторно е ставен во погон и хидроелектраната е комплетно на располагање на електроенергетскиот систем.

Зафатот е реализиран во согласност со предвидените планови за тековно и за инвестициско одржување на опремата. Капиталниот ремонт е една од позначајните сервисни активности и значи продолжување на работниот век, зголемување на сигурноста и стабилноста на „Шпилје“ и на хидроенергетскиот систем „Црн Дрим“.