На последната седница на Надзорниот одбор на АД „Електрани на Македонија“ одржана на 31 јануари именувани се четири нови членови на Управниот одбор на АД ЕЛЕМ. За директор на секторот производство е назначен г.Благоја Деспотоски дипломиран електро инженер, кој доаѓа на местото на г. Димитар Танурков. Со секторот за развој и инвестиции ќе раководи г.Александар Пауноски, магистер по електро-технички науки, кој доаѓа на позицијата на г-ѓа Јасна Иванова Давидовиќ.

Нов член на Управниот одбор и директорка за комерцијални работи е г-ѓа Анита Стамнова, магистер по економски науки, која ќе го замени досегашниот директор г. Коста Папастеревски. Во секторот за финансии, на местото на досегашната директорка г-ѓа Славица Бесова е именувана г-ѓа Гордана Димитриеска- Кочоска, дипломиран економист.