ОД ЈАНУАРИ ЌЕ СЕ ВКЛУЧИ ВТОР КОТЕЛ ВО ТЕЦ НЕГОТИНО И ТРЕТ БЛОК ВО РЕК БИТОЛА
Управниот одбор на АД ЕСМ и Управниот одбор на АД ТЕЦ Неготино извршија увид во работењето на ТЕЦ Неготино. Термоелектраната непрекинато произведува електрична енергија од 18 декември, и работи со половина капацитет, односно со еден котел со цел прилагодување и стабилизирање на системот по повеќегодишната пауза. Генералниот директор на АД ЕСМ, Васко Ковачевски најави дека во јануари ќе се вклучи и вториот котел во ТЕЦ Неготино и третиот блок во РЕК Битола. Според Ковачевски, со максимално ангажирање на сите производни капацитети, ќе се обезбеди снабдување за грејната сезона и ќе излеземе од енергетската криза без рестрикции, вложувајќи напори да се избегнат ситуациите кои веќе се случуваат во околните земји во однос на снабдувањето со електрична енергија.
![](https://www.esm.com.mk/wp-content/uploads/2021/12/270189877_4656417457744988_5693635849217499739_n.jpg)
Генералниот директор на АД ТЕЦ Неготино, Небојша Стојановиќ изјави дека термоелектраната континуирано работи веќе 10 дена и не очекува проблеми во следниот период, како и дека во план е целосно да се реализира договорот за деловно-техничка соработка со АД ЕСМ во однос на производството на електрична енергија од овој капацитет.