АД ЕСМ ја продолжува традицијата за поддршка на најдобрите студенти, така што додели 6 нови стипендии на студенти на Универзитетот во Тетово и ги продолжи стипендиите на двајца студенти од минатата година, кои доследно ги исполнуваат условите пропишани со договорите.

Стипендиите се во износ од 8000 денари месечно, и се доделуваат за 10 месеци, односно во текот на академската година. Финансирањето е предвидено да трае за време на сите студиски години, при што услов е просекот во текот на студирањето да биде над 8.0.

Со стипендирањето АД ЕСМ како општествено-одговорна компанија, помага во продуцирање кадар што е особено актуелен на пазарот на трудот. Оваа практика  дава се подобри резултати и придонесува за унапредување на образованието и науката  и ќе продолжи и во иднина.