Студенти од ФЕИТ се запознаа со работата на дел од нашите производствени капацитети

Објавено на: October 31, 2024

Со цел да се запознаат непосредно со она што го учат, студенти и професори од Факултетот за електротехника и информациски технологии при Универзитетот „Св.Кирил и Методиј“ од Скопје ги посетија: ХЕ „Вруток“, РЕК „Битола“ и ФЕ „Осломеј“.

Нашите колеги-инженери им ги пренесоа своите знаења и искуства од процесот на работа на своите идни колеги, со уверување дека во иднина ќе придонесат за поквалитетно и побрзо завршување на секоја работна задача. Практичните знаења ќе им помогнат на студентите да ги усовршат своите вештини, поуспешно да ги реализираат дадените задачи и да бидат конкурентни на пазарот на трудот.