Претседателот на Надзорниот одбор на АД ЕСМ, Иван Куковски заедно со членот на НО Александар Мурговски, учествуваа на Меѓународната стручна конференција „Нова ера на енергетиката“: Каде се регионалните електростопанства денес-планови за иднината.

Куковски во својство на панелист, со своите соговорници дискутираа на тема „Развој на електростопанството во новата ера на енергетиката“. Во своето излагање, тој ги презентираше тековните и идните проекти на компанијата, кои се усогласени со стратегијата за одржлив раст, унапредување на енергетската транзиција, инвестирање во енергетска ефикасност и зелен развој.

„Задоволен сум што имав можност да бидам дел од еден ваков значаен настан и да го пренесам ставот на Владата и на АД ЕСМ за сериозните предизвици што нè очекуваат во процесот на енергетска транзиција, декарбонизацијата и намалувањето на емисиите на јаглерод диоксид. Без развој на енергетиката нема економски развој на државите, таа игра клучна улога во подобрувањето на пристапот до чиста енергија и сигурен сум дека овој настан ќе помогне да ги вмрежиме ставовите со колегите од регионот во насока на зајакнување на нашите заеднички цели за енергетска трансформација“-потенцираше Куковски.

Конференцијата се одржа во Белград во организација на редакцијата „Енергија Балкана“.