ХЕ „Градец“, како дел од проектот „Вардарска долина“, е предвидено да се гради во самото корито на р. Вардар, возводно од селото Удово (30,4 km од македонско-грчката граница) со цел да се искористи енергетскиот потенцијал на р. Вардар на потегот од с. Удово до Демир Капија, преку едно енергетско скалило.

Од усвоената диспозиција на ХЕ „Градец“ преливната гравитациона брана и машинската зграда се поставени приближно во средината на речната долина на р. Вардар, а странично кон бреговите се предвидени бетонските гравитациони делови на браната. Ваквото решение е усвоено поради тоа што овозможува изградба на преливната гравитациона брана и машинската зграда во I фаза, речиси насуво и со најбрз старт на почеток  на изградбата, паралелно со изработката на загатот од I фаза и паралелно со преместувањето на железничката пруга на таа делница.

Главни карактеристики на ХЕ Градец

  Проект „Вардарска Долина“