Опфаќајќи ги сите студенти, со акцент на техничките факултети, настанот има за цел да ги поврзе работодавците со студентите, преку овозможување директна промоција на компаниите од една страна и претставување на искуството и знаењата на студентите (директно или преку оставање на CV) од друга страна. На отворањето на саемот „Контакт 2017“, свое обраќање имаше министерката за информатичко општество и администрација, Марта Арсовска Томовска, која истакна дека светот се движи од индустриска економија, во дигитално дистрибуирана економија, каде што во светски рамки постои зголемена потреба од технички кадар. Таа додаде дека уште позначаен е фактот што техничкиот кадар не се бара само во технолошката индустрија, односно во ИТ-компаниите, туку и во сите останати дејности. Саемот за вработување  и пракса  го организираат Студентските парламенти на ФИНКИ и ФЕИТ.