АД ЕЛЕМ се вклучи во акцијата за расчистување на теренот во погодените подрачја

Објавено на: August 8, 2016

АД Електрани на Македонија се вклучи во акцијата за расчистување на последиците  од силното невреме што изминатиот викенд  го зафати Скопје и регионот. Над 110 доброволци – вработени во поголемиот дел од подружниците на Компанијата со соодветна опрема се испратени во погодените подрачја и се ставени на располагање на подрачните координативни тела. Во согласност со можностите , компанијата обезбеди еден камион, две помали теренски возила,  два дизел агрегати и две пумпи за собирање вода.
Во текот на вчерашниот ден и денеска АД ЕЛЕМ донираше над 20.000 литри  пакувана вода, два тони  конзервирана храна и два тони средства за хигиена, средства за дезинфекција и пелени.